Erabakita daude bihar jokatuko diren finaletako lau, Tilos 7 Pasa pala txapelketan. Goizeko 09:00etan hasita, honako ordenean ariko dira horiek guztiak.
- Nesken bigarren mailan, Izaro Arraras-Maddi Arraras eta Maitane Gomez-Izaro Gomez
- Nesken lehenengo mailan, Uxue Aranburu-Ekhiñe Balerdi eta Ane Zubiri-Ainhoa Urien
- Herrikoiean, Xenki Astiazaran-Josu Iparragirre eta Borja Tejedor-Txema Gorostegi
- Mutilen lehenengo mailan, Odei Arregi-Alain Luisa eta Julen Loidi-Aratz Luisa
Bosgarren finala, mutilen bigarren mailakoa, da erabakitzeko falta den bakarra. Atzo ziren bi semifinalak jokatzekoak, baina atzeratzera behartu zuen euriak. Hori horrela, gaur jokatuko dituzte, arratsaldeko 17:45etan hasita, Tilosetako frontoian: Belaunza-Ponce eta Goitia aita-semeak ariko dira aurrenekoan, eta Loidi-Manterola eta Etxeberria-Urruzmendi bigarrenean. Bi bikote irabazleek jokatuko dute finala, bihar bertan, aurtengo txapelketari bukaera emateko.