Agur esango diete gaur auzotarrek aurtengo Osiñagako jaiei. Desapiyua izan dute nobebade, Osiñaga eta Xoxoka auzoen arteko proba lehiaketa. Gainontzekoan, jarduera tradizionalak mantendu dituzte, eta nola ez, baita urteroko festa giro ederra.
Batzuk atzo berandura arte Itzal erromeria taldearekin dantzan geratu arren, gaurkoan ez dute atsedenerako astirik. 12:00etatik aurrera pelotan ariko dira gazteak, eta gero bertsotan Unai Agirre eta Aitor Mendiluze. Arriatsun bertsolariekin batera bazkaldu aurretik, 13:30etan omenaldia egingo zaie auzotarrei. Eta jaiak agurtzeko, herri kirolak izango dira, 18:00etan hasita: Udane eta Elene Ostolaza ahizpak harrijasotzen, eta aizkoran, berriz, Laiene eta Igoin Pikabea anai-arrebak, Oihana Fernandez de Barrenaren eta Unai Etxeberria 'Osinalde'ren aurka.