Ostegun honetarako finkatu dute urteko batzar irekia Bidea Herritar Taldeko kideek. Burujabetzen Etxean egingo dute, arratsaldeko 18:00etan, eta 2025-2026 ikasturteko balantzea egin ez ezik, hurrengo kurtsoko lehentasunez ere ariko dira.
Urtero, herritarrek eta elkarteek proposamenak helarazteko, auzo batzarrak, elkarte batzarrak eta galdetegiak antolatzen dituzte Bideatik. Gainera, herritarrek Hernani Burujabe prozesua hobeto ezagutzeko, Burujabetzen eguna ere antolatzen dute urtero.
Elikadura, energia eta telekomunikazio burujabetza, zaintza sistema publiko komunitarioa, herriko merkataritza txikiaren aldeko lana, bioaniztasunaren babesa, edo etxebizitza eskubidea helburu dituzte, eta norabide horretan bultzatzen duten beste herri eragileekin elkarlana sustatzen dute.