Urtero bezala, ekaineko lehenengo asteburuan egingo dute Leitzara Martxa, Elur Txori elkarteak antolatuta. Aurten larunbatera mugitu dute, jende gehiago animatzeko asmoz, eta ekainaren 6an izango da 66garren edizioa, goizeko 05:00etan abiatuta. Parte hartu nahi duenak, ekainaren 2ra arte eman dezake izena, elkartean bertan, labur.eus/LeitzaraMartxa66 webgunean, edota elurtxori@gmail.com helbidera idatzita. 50 euro dira ibilaldia eta bazkaria, gosaria, hamaiketakoa, dutxak eta itzulerako autobusa barne.