Bertso afaria antolatu dute Osiñagako Jai Batzordeko kideek, auzoko festetako giroan murgiltzen hasteko. Maiatzaren 30ean (larunbata) egingo dute, Itsasburun, Osiñagako Jaiak baino astebete lehenago, hain zuzen. 20:30etan hasiko da afaria, eta Eñaut Martikorena eta Nerea Ibarzabal ariko dira bertsotan. Tiketak salgai daude jada Aralar tabernan, eta maiatzaren 27a izango da horiek eskuratzeko azken eguna.