Ikusmina piztu da gaur goizetik, Hernaniko udaletxearen inguruan. Izan ere, bertako kanpandorrea konpondu eta berritzeko lanak bukatuta, gaur jarri dute bere tokian berriro, grua haundi batekin.
Igo dutenean inguruan zirenek ondo ikusi dute nolako itxura daukan kanpandorreak, baina behin teilatura igota, zonaldeko etxe altuenetatik bakarrik izan da horretarako aukera, argazkian ikus daitekeen moduan.
Arratsaldeko bostak aldera bukatu dituzte kanpandorrea jartzeko lanak, eta estali egin dute ondoren, babesteko.