Hernaniko Udal Kiroldegiak igeriketa ikastaro trinkoak eskainiko ditu ekainean, 2009 eta 2020 urteen artean jaiotako haur eta gaztetxoentzako. Izen-ematea zabalik dago pasa den apirilaren 27tik, eta maiatzaren 10a da apuntatzeko azkeneko eguna. Internet bidez egin daiteke, kirola.hernani.eus webgunean; eta baita presentzialki ere, kiroldegiko harreran zein bulegoan. Kiroldegiko abonatuentzako prezioa 91,3 eurokoa izango da, eta gainontzekoentzat 146,15 eurokoa. Ikastaroen ordutegiari buruzko informazio osoa kiroldegian eskatuz edo online jaso daiteke.