Elxen izan zen Txomin Mugica apneista hernaniarra pasa den asteburuan. Espainiako Txapelketa jokatzera joan zen, Euskadiko ordezkari gisa. Real Sociedad taldeko kirolaria onena izan zen parte hartu zuen bi probetan, aletarik gabekoan (DNF) eta monoaletarik gabeko askean (DyN).
DyN modalitatean bere marka pertsonala hautsi zuen, urpean 225 metroko distantzia egin ondoren. Bigarren gelditu zen berez, baina lehen postuan gelditu zena poloniarra zenez, estatuko txapeldun izan zen Mugica. DNFn ere Espainiako onena izan zen, 200 metroko markarekin, estatuko errekorretik 7 metrora geldituz.
Munduko txapelketa da orain Mugicaren hurrengo erronka; izan ere, Espainiako Federazioak aukeratu du estatua ordezkatu dezan Serbian izango den txapelketan.