Laster hasiko da Aralar tabernako mus txapelketa ezaguna, eta edizio borobila izango du aurtengoa: 40garrena. Parte hartu nahi duenak, zabalik dauka izena emateko epea, larunbatera arte: 50 euro dira bikoteko.
Hainbat astez luzatuko da muslarien lehia tabernan, eta bikote onenek sari potoloak eskuratuko dituzte, beste urte batez. Horrela, bikote txapeldunak bildutako diruaren %50 eskuratuko du, eta baita garaikurra, txapela eta oparia ere. Txapeldunordeek, berriz, bildutako diruaren %25a jasoko dute, garaikurrarekin eta opariarekin. Hirugarren bikoteak diruaren %15a jasoko du, eta laugarrenak %10a, eta biek izango dituzte garaikurra eta oparia ere. Gainera, lau bikote horiek, eta hurrengo lauek, Errioxako ardo bodega batera joateko gonbidapena ere jasoko dute.