Gaur arratsaldean jakingo dugu zeintzuk izango diren erremonteko Berria Txapelketako finala jokatuko duten bikoteak. Bi hernaniar arituko dira lehian helburu horrekin, Endika Barrenetxea eta Mattin Arluziaga hain zuzen; bakoitza bere bikotearekin.
Barrenetxea aurreko asteburuan sailkatu zen finalerdietara, bere kidea den Martixperekin batera Susperregi eta Larrañaga 2-0 garaitu ondoren. Arluziaga eta bere kidea Azpiroz aurretik ziren sailkatutakoak.
Finlaerdien aurretik irekiera partidu bat izango da, 16:30etan. Ondoren ekingo diote lehiari Ezkurra II-Goikoetxea VI eta Martixpe-Barrenetxea IV bikoteek, finalean postu bat izateko.
Lehen finalerdia amaitu bezain laster, bigarren kaleraketa jokatuko dute Arluziaga-Azpiroz eta Segurola-Aldabe bikoteek. Arluziagak eta Barrenetxeak haien artean jokatzen ez dutenez gaur, biek haien finalerdia irabaziz gero, hernaniarren arteko finala izango genuke, eta txapela Urumeako herrira etorriko litzateke.