Hainbat ekimen antolatu dituzte Kulturarteko Plaza Feministan apirilerako, 'Lagunekin bai!' aterkipean, «laguntasunaz eta transfeminismoaz» hausnartzeko. Antolatzaileek adierazi dutenez, «askotariko gorputz, zaintza, desira, intimitate zein bizikidetza aldarrikatzen ditu transfeminismoak, eta zentzu horretan lagun harremanak balioesten ditu».
Martxoan hasi ziren ekimenak, eta maiatzera arte izango dira. Datozenak, ordea, apirilekoak dira, hilaren 15ean, 21ean eta 29an, zehazki. Hirurak euskeraz izango dira, eta Kulturarteko Plaza Feminista izango dute egoitza.
Liburu aurkezpen bat izango da lehendabizikoa, 'Garen Piztiaz Beste: hitz egin al liteke euskal transfeminismoaz?' izenekoa, hain zuzen. Apirilaren 15ean izango da, 18:00etan hasita, eta hizlariak izango dira Elene Lopetegi eta Iñi Etxezarreta, lagunak eta aktibista transfeministak direnak.
Bigarrenean ere liburu bat aurkeztuko dute, 'Venezuela, del bloqueo al asalto' zehazki. Horretarako, Eneko Compains ariko da hizlari moduan, eta Gienna Cabello, Venezuelako konsula Bilbon, etorriko da gonbidatu gisa. Hilaren 21ean izango da, arratsaldeko 18:30etan.
Solasaldi batekin itxiko dute hilabetea antolatzaileek, 'Afektuen politikak: adiskidetasuna eta transfeminismoa' izenekoa. Hizlariak Miren Guillo eta Marta Luxan izango dira, EHUko irakasleak zein AFITeko kideak direnak. Nahiz eta euskeraz ariko diren, itzulpena egingo da gaztelerara. Apirilaren 29an izango da, arratsaldeko 18:00etan.