Zianotipia argazki-teknika berezia lantzeko tailerra eskainiko du Nagore Legarretak, apirilaren 20an. Argazkilari hernaniarrarekin batera, koadernoak eta bestelako irudiak sortuko dituzte partehartzaileek, herriko landaretza eta beste hainbat elementu erabiliz.
Arratsaldeko 18:00etan hasiko da tailerra, Biterin. Adin guztietako herritarrei zuzenduta dago, eta 12 urtetik beherakoek heldu batekin joan beharko dute. Doakoa izango da, baina izena eman beharko da aldez aurretik, plaza kopurua mugatua baita.
Horretarako, kultura@hernani.eus helbidera idatzi daiteke, edo 943 55 29 62 telefonora deitu. Izena emandako ordenean onartuko dituzte partehartzaileak, tokiak bete arte.