Martxoaren 17ko Greba Orokorretik denbora bat pasa denean, herriko establezimenduei eskerrak emateko mezua zabaldu du Hernaniko Greba Batzordeak: «Oso agerikoa izan zen Hernanin Greba Eguna zela, eta hori, hein haundi batean, herriko ostalari eta komertzio txikietako jabe eta langileei esker izan zen. Elkartasun ariketa izugarria izan zen zuen guztion aldetik!».
Horregatik, «bihotzez eskerrak» eman dizkiete, eta deia luzatu diete hernaniar guztiei, «herrian kontsumitu dezaten, herriko komertzio eta tabernak babestu ditzaten, eta guztion artean jarrai dezagun herria zaintzen eta egiten».
«Gure eguneroko erabaki txikiek garrantzi haundia dute Hernani herri bizia izan dadin», adierazi dute.