Ederra egin dute judoka hernaniarrek, infantil eta kadete mailetako Euskadiko Txapelketan. Oiartzunen jokatu zen, joan den larunbatean, 300 partehartzaile baino gehiagorekin; eta bost domina ekarri zituzten Hernanira.
Kadete mailan izan zituzten lorpen haundienak: Euskadiko txapeldun izan dira Jare Huegun eta Aiur Betelu, txapelketa ederra osatuta. Maila berean, finalista izan ziren Irati Ibeas eta Oier Gainza ere, baina galdu egin zuten azkeneko borroka, eta zilarrezko domina kolkoratu zuten biek.
Infantiletan, berriz, Eñaut Garciak lortu zuen podiumera igotzea, hirugarren sailkatuta.