Txomin Mugika hernaniarrak Euskoapnea indoor txapelketan hartu zuen parte pasa zen martxoaren 14an, Bilboko Artxandako igerilekuan. Apnea estatikoan, aletarik gabeko dinamikan eta monoaleta dinamikan parte hartzekoa zen Mugika, baina «estatikoan ez nuen parte hartu, ez nintzelako ondo sentitzen».
Hala ere, aletarik gabeko dinamikan Euskadiko errekorra hautsi zuen hernaniarrak, 175,9 metroko markarekin. Monoaleta dinamikan parte hartzen zuen lehen aldia zen Real Sociedadeko kirolariarentzat, eta bigarren postuan sailkatu zen, 175 metroko distantzia eskuratu ondoren.