Euskal Ligako Hernaniko boleiboleko mutilek ezin izan dute igoera lortu, nahiz eta oso gertu egon izan. Liga erregularrean bigarren onenak izan ziren, 12 partidutan 31 puntu batu ondoren (10 garaipen eta 2 porrot). Igoera kanporaketak jokatu zituen gero.
Final laurdenak irabazi zituen, Esvol Santander garaituz, 3-1. Finalerdietan, aldiz, porrota suertatu zitzaion, Sestaoren aurka, 3-2 (22-25, 25-23, 25-19, 13-25 eta 20-18). Finaletik gertu egon ziren hernaniarrak, baina hirugarren eta laugarren postuko partidua jokatu behar izan zuten. Irabazi egin zuten hori, Bera Beraren aurka, 3-1. Beraz, esan daiteke Euskadiko hirugarren onenak izan direla aurtengo denboraldian.