San Joanetako kartel lehiaketa martxan da. Lanak aurkezteko azken eguna apirilaren 13a izango da. Aurrez aurre egin ahal izango da Biteri kultur etxera eramanda, baita elektronikoki ere, kultura@hernani.eus helbidera bidalita.
Aurkeztuko diren lan guztietan 'SANJOANAK 2026' goiburuak agertu behar du, eta kartelaren neurriak 32x48cm-koa behar du izan. Formatu digitaleko lanek gutxienez 300pp-ko erresoluzioa izan behar dute, eta CMYK kolore-eredua jarraitu.
Hizkuntza eta irudien erabilera ez-sexista duten kartelak soilik onartuko dira. Adimen Artifizialarekin edo elkarrizketa laguntzaileekin sortutako lanik ez da onartuko. Egiletzaren adierazpen arduratsua aurkeztu beharko dute parte-hartzaileek.
Irabazleak 700€-ko saria jasoko du, erdia eskudirutan eta beste erdia Berriak-eko establezimenduetan erabiltzeko txartel gisa. Azken erabakia herritarrena izango da. Sanjoanetako jai batzordeak aurkeztutako lanen artean lau aukeratuko ditu, eta horien artean bozkatzeko aukera izango dute hernaniarrek.