Hitzaldia antolatu du Hernani Errotzenek, gaur arratsalderako, Biteri kultur etxean: 'Muñagorri, bakea eta foruak'. Eugenio Ibarzabal Aramberrik eskainiko du, 19:00etan hasita. Ekonimialaria, kazetaria, idazlea eta politikaria da Ibarzabal.
José Antonio Muñagorri eskribauaren eta Manuel José Zabala Villafuertesko kondearen bizitza aztertu ditu Ibarzabalek, lehenengo karlistadako gertaera tragikoen lekuko hartuta. Ikerketa lana osatu du horrekin: 'Foruak, karlistaldietan euskaldunak borrokara joateko eragile eta euskal gatazkaren muina'. Ikerketa horren ondorioak aurkeztuko ditu gaurkoan.