Arte erakusketa jarriko dute Aratz Ikastolako ikasleek, bihar goizean, Biterin. Eta oso berezia izango da, ikusmen urritasuna dutenei egokituta prestatu baitute. Horretarako, erakusketako artelanak ikutzeko aukera emango dute, eta era berean, horien testuinguru historikoari eta deskribapen fisikoari buruzko azalpenak entzuteko aukera izango da, QR kodeekin jarriko dituzten audioen bitartez.
Aratzeko DBH4ko eta LH2ko ikasleak aritu dira elkarlanean proiektu honetan. 3D diseinua eta inpresioa landu dute azkeneko hiruhilekoan, eta horretan oinarrituta egin dituzte zenbait lanketa, ikusmen urritasuna duten pertsonei laguntzeko. Horien artean daude ikastolako zenbait eremu identifikatzeko braille txapak, eta biharko arte erakusketa. Eskulturetako batzuk, ikasleek eurek sortu dituzte.
Goizeko 10:00etatik 12:00etara izango da erakusketa Biterin, eta herritar guztiei luzatu diete bertaratzeko gonbitea.