Adinekoei begira, hitzaldi bana prestatu dute Hernaniko Udalak eta Goiz Eguzkik, egunotan. Gaur izango da aurrenekoa, Udaleko Adinekoen sailak antolatuta: zahartzeari eta bakardadeari buruz ariko da Javier Yanguas Lezaun psikologoa, Biteri kultur etxean, arratsaldeko 18:00etan hasita. Gaztelaniaz eskainiko du hitzaldia, eta doakoa eta irekia izango da.
Psikologian doktorea da Yanguas, eta La Caixa Fundazioko adinekoen programaren zuzendari zientifikoa.
Adinari buruzko aurreiritziez, Igone Etxeberria
Datorren asteazkenerako jarri du hitzordua Goiz Eguzkik, otsailaren 18rako. Egun horretan, Goiz Eguzkiko areto nagusian izango da hitzaldia, arratsaldeko 18:30etan hasita: 'Adinak ez gaitu definitzen'. Igone Etxeberria Arritxabalek eskainiko du, eta adinari buruzko aurreiritziei buruz ariko da, horiei nola aurre egin lantzeko.
Psikologian doktorea da Igone Etxeberria ere, eta adinekoen lotuta osatu zuen bere tesia, 2014an: 85 urtetik gorako pertsonen funtzionamendu emozionala aztertu zuen. Hain juxtu, Javier Yanguas izan zen tesi horren zuzendari, Itziar Etxeberria Bilbaorekin batera.
Doakoa eta irekia izango da Etxeberriaren hitzaldia ere, interesa duten guztientzat.