Aratz Ikastolak komunikazio ez bortitzaren inguruko saioa antolatu du astelehenerako, hilak 19. Horretarako, Nerea Mendizabal, gonbidatu dute, gaian aditua. Arratsaldeko 18:00etan hasiko da hitzaldia, Hernaniko Biteri kultur etxean.
Mendizabal hezitzailea eta formatzailea da, eta Aratzek azaldu duenez, «urteetako esperientzia du familia, haur eta hezkuntza komunitateekin lanean». Bere jardunaren gakoa, «harremanetan komunikazioa hobetzeko tresna praktikoak» eskaintzean datza, «gatazkak modu irekitzailean kudeatzeko eta elkar ulermena sustatzeko».
Ikastolako irakasleek diotenez, hitzaldia interesgarria izan daiteke familientzat, hezkuntza eta gizarte arloko profesionalentzat, eta, oro har, komunikazioa eta harremanak hobetzeko interesa duen edonorentzat.