Urtea hiru kultur jarduerarekin hasiko dute Kulturarteko Plaza Feministan. Urtarrilaren 16an, 23an eta 29an izango dira saioak, eta umoreak presentzia nabarmena izango du oraingoan.
Bertso saio literario musikatua izango da lehenengo jarduera. Kultur adierazpide asko uztartzen dituen proposamena da; Ane Labakaren 'Hezur berriak' poema liburuko testuetatik abiatuko dira bertsolariak, eta Ines Osinagaren musika izango dute bidelagun Onintza Enbeitak, Alaia Martinek eta Maialen Akizuk.
Urtarrilaren 23an Idoia Torregaraik eta Mirari Martiarenak hartuko dute KPF. Ztandap umore ikuskizuna eskainiko dute bertan, «generoa umoregai hartuta, eguneroko gaiak lehertzen saiatuko dira betaurreko moreak jantzita».
Azkenik, hilaren 29an, Onintza Enbeita berriro itzuliko da KPFra, kasu honetan 'Bizitza baten txatalak. Andre bat lurrari emana' liburua aurkezteko.
Jarduerez gain, urtarrilaren 21ean emakumeen jabetze eskolako izenematea zabalduko dute.
|
KULTURARTEKO PLAZA FEMINISTA - URTARRILEKO AGENDA URTARRILAK 16 URTARRILAK 21-OTSAILAK 1 URTARRILAK 23 URTARRILAK 29 Jarduera guztiak KPFn. |