Urte zaharra agurtu eta berriari bidea irekitzeko plan ezberdinak egongo dira gaur Urumea bailaran.
Hernaniarren kasuan, Palestinaren aldeko San Silbestreaz gain, urteroko Mus Txapelketa egingo da Kontrakantxa gaztetxean. Arratsaldeko 16:00etan hasiko da eta inskripzioa ordu erdi lehenago egin beharko da, 15:30etan alegia. 10 euro izango dira bikoteko. Lehenengo postua irabazten duen bikoteak izenemateen %60a eskuratuko du; bigarrenak, berriz, izenemateen %30a. Bestalde, Portuko auzokideek mendi buelta antolatu dute Santa Barbarara. Goizeko 10:30etan jarri dute irteera ordua, plazatik. Azkenik, urte zaharreko erronda arratsaldeko 17:30etan abiatuko da udaletxeko arkupetatik.
Goizuetako Arainburu mendi taldekoek Mandoegira egingo dute itzulia urte zaharrean. Goizeko 8:30etan abiatuko dira herriko plazatik eta brindisa egingo dute tontorrean, urteari amaiera emateko. Arratsaldean mus txapelketa antolatu dute, Umore Onako kideek. 16:00etan hasiko da.
Astigarragan, brindis bateratua egiteko hitzordua jarri dute gazteek, 01:15etan Zipotza tabernan.