Joan den igandean egin zuen Mendiriz Mendik, Santo Tomas egunez, urteko azkeneko irteera. Gaztetxoentzako ibilaldia prestatu zuten, eta Oiartzunera joan ziren, bertako tontor xume bezain berezi batera igotzeko: Urkabera (234 metro). Altuera gutxikoa izan arren, bertara iristeko aldapak ez dira makalak!
Egunaren berezitasunak festa giroan murgiltzeko tentazioa ematen zuen arren, talde ederra elkartu zen Urkabera joateko: 30 lagun baino gehiago bildu ziren.