Jaialdi polita izango da gaur iluntzean, Hernaniko kiroldegiko frontoian: larruzko paletako finala jokatuko dute Hernaniko bi taldek, Gipuzkoako Txapelketan. Amaia Irazustabarrena eta Leire Galdos ariko dira batetik, eta Nahia Eizmendik, Garazi Eizmendik eta Ane Kerejetak osatutako taldea bestetik. 20:30etan hasiko da finala, eta bertaratu eta frontoia betetzeko deia egin diete pelotazale guztiei, CD Hernanitik.
Aurten aurrenekoz jokatu da larruzko paletako txapelketa emakumezkoetan, Gipuzkoakoan. Hernaniko bi taldek hartu dute parte, eta biek lortu dute finalerako txartela. Finala etxean jokatuta borobilduko dute torneoa.