Urtea behar bezala amaitzeko, Goizuetako Arainburu Mendi taldeak irteera antolatu du Mandoegira. Abenduaren 31n izango da irteera, goizeko 08:30etan, herriko plazatik abiatuta. Guztira 4 ordu inguruko itzulia izango da eta antolatzaileek aurreratu dute bakoitzak bere hamaiketakoa eramateko. Gainera, urteari amaiera emateko, «brindisa egingo dugu ttonttorrean».
11 kilometroko distantzia izango du ibilbideak eta zailtasunari dagokionez, aipatu dute maila ertainekoa dela.