Abenduaren bigarren astean hasi ziren Bertso Lataren jarduerak, eta jarraipena izango dute datorren urtera arte. Gaurkoan, Gabon gauerako motorrak berotzen joateko, erronda egingo dute. Arratsaldeko 16:00ak aldera aterako dira denak Iparragirretik, eta kantuan, herriko zenbait zirrikitu zeharkatuko dituzte. Urteko azken egunean ere egingo dute erronda, 2025a agurtu, eta 2026ari ongi etorria emateko.
Abenduaren 28an, berriz, Maialen LujanbioK 'rr_6_erre(AH)ala' emanaldia eskainiko du Milagrosan, eguerdiko 12:30etan. Errezitaldi poetiko-bertso-performatibo irakurri ikus-entzutekoa da Lujanbiok eskainiko duena.
Abenduaren 30ean, 'Izena eta Izana' emanaldiak hartuko du Bertso Lataren lekukoa eta, eta bertan izango dira kantuan: Xabat Pagola, Xabat Illarregi, Xabat Galletebeitia, Maddi Agirre, Maddi Aiestaran eta Maddi Lasa. Tilosetako eskaileretan izango da emanaldia, arratsaldeko 19:30etan.
Urtea hasteko, bertsoak
Bertso Latari amaiera emango zaio datorren urtean, urtarrilaren 2an, hain zuzen ere. Bertso jaialdi batekin amaituko dute egitasmoa, ondorengo bertsolariekin: Andoni Egaña, Alaia Martin, Nerea Ibarzabal eta Goraka Pagonabarraga. Gai jartzaile lanetan arituko da Maialen Lujanbio. Gaueko 22:00etan izango da jaialdia, Biterin.
|
BERTSO LATA 2025 HERNANI GAUR Gabonetako erronda, ABENDUAK 28 12:30 Maialen Lujanbioren 'RR_6_erre(AH)ala' ikuskizuna, Milagrosan. ABENDUAK 30 19:30 Izena eta Izana bertso saio berezia, Tilosetako ABENDUAK 31 Urte zaharreko erronda, Kaxkoan barrena. URTARRILAK 2 22:00 Bertso jaialdia, Biteriko aretoan. Bertsolariak: Andoni Egaña, Alaia Martin, Gorka Pagonabarraga eta Nerea Ibarzabal. Gai jartzailea: Maialen Lujanbio. Sarrerak abenduaren 22tik aurrera Txilin, Aralarren eta Garinen. *Jaialdiko sarrera guztiak |