Cesar Otamendik jaso du Portuko Gabonetako saskia

Santo Tomas egunez zozketatu zuen Gabonetako saskia Portuko Auzo Elkarteak, auzotar guztiak txistorraz bapo ase ondoren. Eta Cesar Otamendirentzat izan zen saski ederra. Pozik jaso zuen notizia, eta Kronika testigu, ondo merezita zeukan Otamendik: bera aritu zen sukaldean jo eta su, pintxoetarako txistorra prejitzen, beste bi auzotarren laguntzaz. Euri zaparradetatik plazako arkupeetan babestuta, gustura aritu ziren portutarrak, jan-edanean eta solasean.