Santo Tomas eguna ospatzen ibiliko dira gaur Hernaniko herritarrak auzoz auzo.
Plaza Berrin San Joan Konpartsak jarriko du postua, goizeko 11:00etatik 14:30etara bitartean; arratsaldean erromeria egingo dute 18:00etan.
Errugbi Elkarteak Kale Nagusian jarriko du postua 10:00etatik 15:00etara.
Lizeaga auzoan, Auzo plazan egingo da festa, 11:30etan hasita; euria eginez gero, Urumea Ikastolan.
Zelabiden eta Karabelen arratsaldez egingo dute ospakizuna. Zelabide Auzo Elkartearen lokalean 18:00etatik 21:30etara eta Belkara Auzo Elkartearen lokalean 18:00etatik aurrera.
Portuko auzotarrek bihar ospatuko dute Santo Tomas eguna, Ibarrolaburu-Lorenza Plazan 12:00etatik aurrera.