Arrasateko Akordeoi Jaialdian izan ziren Hernani Musika Eskolako ikasleak, beste urte batez, hutsik egin gabe: «Funtsezko jaialdia da guretzat, eta eragingarria eta derrigorrezkoa bilakatu da musika eskolen egutegian. Ikasleen motibazioari begira, ezin liteke ordeztu antzeko beste edozein lehiaketarekin, ez Euskal Herrian eta ez Estatu mailan», nabarmendu dute.
Jaialdi entzutetsuan parte hartu bakarrik ez, sekulako domina sorta ekarri dute hernaniarrek, 51 guztira: urrezko 45 domina, zilarrezko bost, eta brontzezko bat. Urrezko domina lortu zutenetako askok aukera izan zuten, gainera, jaialdiaren bukaerako galan jotzeko.
Bereziki nabarmentzekoa da Hernani Musika Eskolako akordeoi orkestrak lortutako aurreneko saria, Nafarroako, Aragoiko, Kataluniako eta Galiziako taldeekin aritu baitzen lehian.
|
ARRASATEKO HERNANI MUSIKA ESKOLAKO AKORDEOILARIAK 10 URTE ARTE, I HASTAPENA Irene Panaderok urrezko domina, eta Leire Apaolazak eta Aiora Zubeldiak zilarrezkoa. 10 URTE ARTE, A MAILA Irene Panaderok urrezko domina. 12 URTE ARTE, II HASTAPENA Julia Cuencak, Ekaitz Martinek eta Anton Veprikek urrezko domina. 12 URTE ARTE, B MAILA Leia Barroetak urrezko domina, eta Amaia Trejok zilarrezkoa. 15 URTE ARTE, III HASTAPENA Josu Garciak eta Ekai Erkiziak urrezko domina, eta Irati Salaberriak eta Eider Salvadorrek zilarrezkoa, eta Maddi Rodriguezek brontzezkoa. 15 URTETIK GORA, D MAILA Erika Bazek urrezko domina. GANBERA MUSIKA, 12 URTE ARTE Leia Barroetak, Julia Cuencak, Ekaitz Martinek eta Amaia Trejok osatutako taldeak lehenengo saria: urrezko domina eta 100 euro. GANBERA MUSIKA, +15 URTE Maria Cabrerak eta Oliver Cabrerak osatutako bikoteak urrezko domina, eta Erika Bazek, Uxue Duranek, Leire Truyok, Axel Zabalegik eta Eñaut Zabalegik osatutako taldeak lehenengo saria: urrezko domina eta 200 euro. TALDE INSTRUMENTALA Hernani Musika Eskolako akordeoi orkestrak lehenengo saria: urrezko domina eta 300 euro. Honakoek osatzen dute orkestra: Maialen Azurmendi, Erika Baz, Oliver Cabrera, Ane De los Rios, Uxue Duran, Oihane Erize, Unai Errasti, Irati Ferreiro, Edurne Garcia, Ainhoa Garin, Ariane Gaztañaga, Elene Lizeaga, Uxue Lopez, Irati Ormaetxea, Maddalen Otaegi, Intza Otamendi, Leire Truyo, Maider Ugalde, Eñaut Zabalegi, Axel Zabalegi eta Lide Zabaleta. Laguntzaile izan zituzten musika eskolako perkusionistak: Niko Altuna, Aiheko Etxarte, Martin Royo eta Jon Pache irakaslea. |