Apenas geratzen da astebete, Gabonetako otordu bereziak hasteko. Eta honezkero asko izango dira aurtengoan zer prestatu ez dakitenak; mahaia zerekin hornitu eta senideak nola txunditu asmatu nahian dabiltzanak. Horretarako, aukera polita izango dute gaurkoan, beste behin antolatu baitu Gabonetako menua prestatzeko saioa Hernaniko Emakumearen Zentro Soziokulturalak.
Arratsaldeko 17:00etan izango da, Xalaparta elkartean; eta Igor Muñoak eskainiko du, Tripontzi jatetxeko sukaldariak. Saioa doakoa eta irekia izango da, bertaratu eta parte hartu nahi duten guztientzat.