Osiñagako auzotarrek jakinarazi dute datorren asteburuan etxez etxe ibiliko direla elkarteko kuota kobratzen. Abenduaren 20an eta 21ean ibiliko dira auzotarrak ate joka, urteko 10 euroko kuota kobratzen; euro bateko loteriaren partizipazioa dakarrela aurreratu dute. Bestalde, kuota ordaintzen dutenen artean, gabonetako saski eder bat zozketatuko dutela gogoratu dute. Sariaren zozketa abenduaren 21ean egingo da.
Azkenik, asteburuan etxean egoteko asmorik ez duten auzokideek, dirua bizilagunari uzteko eskatu dute, lana errazago egin dezaten.