Bihar arratsaldean jokatuko dituzte Hernaniko Xake Txapelketako finalerdiak eta finalak. Arratsaldeko 16:00etan hasiko dira Kixkaleko partiduak, eta 18:00etan izango dira final haundiak.
Lau mailatan banatuko dira biharko partiduak: txapela jokoan dutenen artekoa, beteranoen mailakoa, federatu gabekoena eta taldekako desafioa. Partiduen taula ikusgai dago albiste honetan bertan.
Sariei dagokienez, txapeldunaz gain, beste zenbait jokalari ere sarituak izango dira; finaletik kanpoko hernaniar onenak, beterano onenak eta federatu gabeen arteko onenak jasoko dituzte garaikurrak.
Taldekako desafioaren kasuan, hiru hiruren kontra arituko direnez, bi partidu irabazten dituen taldea izango da irabazlea. Berdinketa kasuan, lehenengo postuan irabazi duen taldea gailenduko da.