Etxetik kanpo jokatzea egokitzen zaie jardunaldi honetan bailarako hiru futbol talde nagusiei. Aurreko asteko emaitza onari jarraipena eman nahi diote Euskal Ligako neskek, goiko postuetan egonkor eta sendo jarraitzeko.
Horretarako, hiru puntuak eskuratu nahi ditu taldeak Santurtzin. Bihar arratsaldean jokatuko dute partidua, 18:00etan hasita.
Bestelakoa da Hernaniko Ohorezko Erregional mailako mutilen egoera. Pasa den astean porrot mingarria jaso zuten aurreko jardunaldian, eta dinamika aldatzeko asmoz joango dira Elgoibarrera. Aurkari gogorra izango dute gaur aurrean hernaniarrek, sailkapeneko hirugarren postuan baitago Elgoibar.
Mundarroren kasuan, laugarren garaipena kateatzea izango da moreen biharko helburua. Denboraldi bikaina egiten ari da talde astigartarra, eta sailkapeneko seigarren postuan dago. Axular Lizeoaren aurka arituko da bihar.