Hernani Errotzen elkarteak antolatuta, Xose Estevez historialari eta irakasle galiziarrak hitzaldia eskainiko du gaur arratsaldean, 19:00etan hasita, Biteri kultur etxean. Nazionalismoa izango du hizpide Estevezek, eta hitzaldia amaitzen duenean solasaldi txiki bat egingo dute aipatutako gaiak aletzeko. Saioa doakoa izango da, eta gela bete arte sartzeko aukera izango dute herritarrek.
Hernani Errotzenetik ondorengo sinopsia prestatu dute: «Historiaren 'aurretiko substratua' deitzen dionetik abiatuta, ibilbide zorrotza egiten du bere hitzaldi eta liburuetan, non modu naturalean kateatzen diren Larramendi eta Xaho bezalako aitzindariak. Karlismoaren zaurietatik sortutako 'foruzaletasuna' eta eklosio aranistarantz igarotzen da. 1893ko Gamazada eta Sanrocada bezalako mugarriek eta 1895ean Eusko Alderdi Jeltzalearen sorrerarekin izan zuen harremana aztertzen ditu bere lanetan».