Gaur arratsaldean jokatuko da, 16:30etan hasita Kixkal tabernan, Hernaniko Xake Txapelketaren hirugarren jardunaldia. Hamar partida izango dira denera, honakoak: Oxan-Xerpa, Romero-Magi, Goikoetxea-Berrotaran, J.R. Altuna-Juankar, Luis Azorin-Ibon Ramos, Asier Eizagirre-Aitor Ortiz, Otxoto-Ainhoa, Maitane-Yanyo, Josu-Imanol Esnal, eta Alberto Blanco-Julen Lizaso.
Aurreneko bi jardunaldiak jokatuta, lau partehartzaile daude sailkapeneko buru, 2 punturekin, bi partidak irabazita: Oxan, Romero, Magi eta Xerpa. Joko sistema suitzarraren arabera, haien arteko partidak izango dituzte gaurkoan, elkarren kontra, lidertzaren lehian. 1,5 punturekin daude Berrotaran eta Joseba Goikoetxea, bigarren jardunaldian atsedena eskatu ondoren.