Kontzentrazioa deitu du Gazte Koordinadora Sozialistak, gaur iluntzerako, Gazan izandako azkeneko bonbardaketak salatzeko: «Azken orduetan, Netanyahuren aginduz, Gaza bonbardatu eta 100 palestinar baino gehiago hil dituzte. Eraso honen aurrean, ezinbestekoa da Israelgo estatuaren aurkako presioarekin jarraitu eta konplize diren mendebaldeko agintariak seinalatzea», adierazi dute.
Plazan izango da kontzentrazioa, iluntzeko 19:00etan hasita, 'Azken 24 orduetan erailak +100; Palestina askatzeko Israel desegin' lelopean.