Tximuak baino trebeago ibili ziren Hernaniko eskoletako ikasleak larunbateko oztopo proban. Eskola Kirolako kideek, Denontzat gimnasioaren laguntzarekin, ibilbide gorabeheratsua diseinatu zuten Urumeako jolastokian, eta bertan elkartu ziren LH-ko gaztetxoak.
Estilo on eta hobearekin, erraz gainditu zituzten prestatutako pasabide estuak, sareak eta sokak. Gustura aritzeaz gain, kirol saio ederra osatuta joan ziren etxera, bazkaria ondo irabazita.
