Bueltan da hartubola Hernanin, eta astelehenero jarri dute horretan aritzeko hitzordua, Hernaniko Boleibol Taldeak antolatuta. Arratsaldeko 18:30etatik 20:00etara izango dira saioak, Hernaniko Institutuan.
Bihar bertan egingo dute aurrenekoa, eta bertaratu eta parte hartzeko gonbitea luzatu diete adin guztietako herritarrei. Izan ere, 16 urtetik gorako edonorentzat daude zuzenduta, «adin toperik gabe». Hartubola praktikatu eta ondo pasatzea izango da helburua, eta ez da beharrezkoa lehendik hartubolaz ezer jakitea: «Denontzat izango da berria, eta asmoa ez da lehiatzea. Zure kirol maila eta trebetasuna edozein dela ere, ez dago arazorik. Etorri gurekin hartubolean aritzera!».