ABENDUAREN 3a izaten da Euskeraren Eguna, eta oraindik dezente falta da ordurako.
Baina beroketa lanak martxan dira Hernanin. Azken bi asteetan hainbat hitzaldi izan dira, eta atzo, indar probari eman zitzaion hasiera.
Astebetez, euskeraz bizi
Askotan iruditzen zaigu euskera hutsean bizi garela, baina horretan pentsatzen jartzean konturatzen gara ez dela beti horrela. Horregatik, ahal den guztietan euskerari eusteko indar proba jarri da martxan.
Astebetez erronkari eustea da helburua, eta izena eman duten aurrenekoak atzo hasi
ziren: Pilota elkartekoak, Hernaniko Palistak, Bertso Eskola, Kanika taldea, Kaxkardi kirol elkartea eta 10 laguneko koadrila bat.
Atzo, hasiera ekitaldiaren aurretik TELP tailerrean izan ziren, erronka betetzeko lagungarriak izan daitezkeen baliabideen berri jasotzeko.
Izena emateko aukera
Dagoeneko 400 bat lagunek eman dute izena indar proban, eta oraindik bada aukera. Azaroaren 26ra arteko aste bat aukeratu, eta parte-hartzearenberri eman AEKn (943 55 78 01); eskoletan, Karmelo Labakan edo
institutuan; Doberan (dobera@dobera.eus); euskaraaridu@gmail.com edo euskaraariduhernanin@gmail.com.