Lehenengo Musikatea Fest izango da urriaren 18an (larunbata) Atsegindegin, Hernaniko musika taldeen Musikatea elkarteak antolatuta eta Udalak lagunduta.
Hiru kontzertu izango dira Musikatea Fest-en baitan: Hernaniko El 5o con Tenedor eta Plan-B taldeak, eta giro mexikarreko musika egiten duen La Txama etorriko da, Donostia eta Iruñeatik.
19:00etatik 01:00ak arte luzatuko da Musikatea Fest. Barra izango da Atsegindegin eta taldeen mertxandising-a ere aurkituko dute zaleek bertan.