URRIAREKIN batera, Xake Txapelketa antolatu dute, aurten ere, Zumitza tabernan. Hirugarren edizioa izango da aurtengoa, eta txapelketa igandeetan jokatuko da, 7 jardunaldietan: urrian hiru jardunaldi jokatuko dira, 17an, 24an eta 31n; eta azaroan lau, 7an, 14an, 21n eta 28an.
Joko sistema, suitzarra
Xake txapelketan joko sistema suitzarra erabiliko dute. Hortaz, maila bera dutenek, hau da, puntu berdinak dituztenek, elkarren artean jokatuko dute. Jokalari bakoitzak ordubete izango du partida jokatzeko; eta bi jokalariak ados jarriz gero, partida astean zehar jokatzeko aukera izango dute. On doren, antolatzaileei partidako emaitza eman beharko diete.
Horrez gain, jokalari bakoitzak bi atseden hartu ditzake, antolatzaileei eskaera aurreko igandean eginda. Jokatu gabe puntu erdia jasoko dute. Azkeneko bi partiduetan ordea, ez da atsedenik hartzeko aukerarik izango.
Txapelketa amaitzean, sariak izango dira lehenengoarentzat, herrikoentzat eta adinaren arabera, onenetzat.
Izen-ematea, zabalik
Izena Zumitzan eman behar da, hilaren 15a baino lehen: 5 euro balio du, eta telefonoa edo helbide elktronikoa eman behar da.