Eguraldiak gehiegi lagundu ez zuen arren, gogotik ospatu zuten atzo Zelabideko Jaietako egun haundia. Giro ezinhobea izan zen Bidebieta eta Gabriel Zelaia plazen artean, eta herritar askok egin zuten bat antolatutako jarduerekin.
Haurrek eta helduek jolasteko aukera izan zuten goizean zehar. Denbontzateko oztopo proban gaztetxo askok hartu zuten parte, eta helduentzako jolasetan ere sortu zen saltsa.
Arratsaldean aero-runba, txokolatada eta dantzaldiak izan ziren protagonista. Askok goizaldera arte luzatu zuten parranda, Gabriel Zelaiako kontzertuaren erritmora.
Sagardoa eta tortilla, jaiei bukaera ona emateko
Hernaniko auzoko jaietan ohitura bihurtu da tortilla pintxoen eta sagardo tragoen artean amaitzea. Eguerdiko 12:00etan izango dira Tortilla lehiaketa eta Sagardo dastaketa, Gabriel Zelaia plazan. Eguerdiko 14:00etan bukatutzat emango dituzte aurtengo jaiak.
Auzoetako festen katea amaierara iristen ari da jada. Urri bukaeran Txantxillako Jaiak izango dira.
ZELABIDEKO JAIAK
GAUR
12:00 Patata tortila lehiaketa.
12:00 Sagardo dastaketa. Gabriel Zelaia plazan.
12:00 Jaien amaiera.