Endika Barrenetxeak ezin izan zuen Buruz Buruko hirugarren txapela irabazi, Juanenearen aurka finala 27-30 galdu eta gero. Merezimendu osoz lortu zuen txapela Saldiasko atzelariak. Atzelari hernaniarra baino hobeto jokatu zuen eta bere lehenengo txapela lortu zuen. Gainera, 9-15 aurreratu zenean Juaneneak zaintiratu bat izan zuen eta bueltan Barrenetxeak aurrea hartu arren 19-17, ez zuen etsi atzelari nafarrak eta txapela jantzi ahal izan zuen.
Partidua hobeto hasi zuen Juaneneak. 0-3 aurreratu zen eta Barrenetxeak seina berdindu arren, 0-6ko partzial baten ondoren 6-12 hartu zuen aurrea Juaneneak. Ordurako hernaniarrak sei akats eginak zituen eta aurkaria berriz oso serio ari zen jokatzen, hobeto errestoan eta sakean. Peloteoan berdintasun haundiagoa zegoen, baina akatsek kalte egin zioten Barrenetxeari.
Partidako abantailik haundiena 7-14koa izan zen nafarraren alde. Bere momenturik onenean zen saldistarra, baina 9-14koan zaintiratu bat izan zuen eskuineko hankan eta aldageletara joan zen. Bueltan errenka zegoela nabaritzen zitzaion, nahiz eta partiduan sartuta jarraitu.
Endika Barrenetxea hobeto hasi zen ateratzen eta horri esker desabantaila murrizten joan zen. Gainera Juanenea oraindik hotz zegoen eta 9-15ekotik, 19-17ra pasa zen hernaniarra agintzera. Partidua bere alde eroriko zela zirudien. Hala ere, Juanenea ez zegoen prest horretarako. Indarrak atera zituen eta lesioa berotu zenean bere onena atera zuen. 20na berdindu eta 22-24 ere jarri zen aurretik. Ordurako finala azken tantoetan erabakiko zela argi zegoen. 25na, 26na eta 27na berdindu zuten eta azken lau tantoak Juanenearen alde izan ziren. Ederki erreboteatu zuen eta Barrenetxeak ezin izan zuen Juanenea gainditu. 27-30ekoak kantxan ikusi zena isladatu zuen.
Goikoetxea V.na eta Aiestaran VI.na, Oriamendi Txapelketako txapeldun
Nahiz eta Barrenetxeak txapela ezin lortu, Aitor Aiestaran hernaniarrak binakako promozioko Oriamendi Txapelketa irabazi zuen Goikoetxea V.arekin batera. Erraz gainditu zituzten Jabalera eta Eskudero 15-8 eta 15-7ko partzialekin. Jaun eta jabe izan ziren hasieratik amaierara bitarte eta partidurik galdu gabe irabazi dute txapela.
BURUZ BURUKO PALMARESAA
TXAPELDUNA – AZPITXAPELDUNA
1944 ÁBREGO-SALSAMENDI
1952 ARESO
1981 INTXAUSPE-ZESTAU
1986 AGERRE-INTXAUSPE
1987 INTXAUSPE-MUJIKA I
1988 MUJICA I-AIZPURU
1989 MATXIN II-INTXAUSPE
1990 MATXIN II-MUJIKA I
1991 MUJICA I-ELIZALDE
1992 MATXIN II-MUJIKA I
1993 AIZPURU-AGERRE
1994 MATXIN II-AIZPURU
1995 EZKURRA-AIZPURU
1996 EZKURRA-EIZAGIRRE
1997 EZKURRA-EIZAGIRRE
1998 EZKURRA-LIZASO
1999 EZKURRA-EIZAGIRRE
2000 LIZASO-EZKURRA
2001 EZKURRA-LIZASO
2002 EZKURRA-ZEBERIO II
2003 EIZAGIRRE-EZKURRA
2004 EZKURRA-LIZASO
2005 EZKURRA-LIZASO
2006 ZEBERIO II-URRUTIA I
2007 ZEBERIO II-EZKURRA
2008 URRUTIA I-ZEBERIO II
2009 URRUTIA I-ZEBERIO II
2010 EZKURRA-SAN MIGUEL
2011 EZKURRA-URRUTIA I
2012 URRIZA-ZEBERIO II
2013 URRIZA-SAN MIGUEL
2014 SAN MIGUEL-URRIZA
2015 URRIZA-UTERGA
2016 URRIZA-BARRENETXEA IV
2017 URRIZA-UTERGA
2018 URRIZA-UTERGA
2019 BARRENETXEA IV-URRIZA
2020 URRIZA-ENDIKA
2021 BARRENETXEA IV-URRIZA
2022 URRIZA-BARRENETXEA IV
2023 ANSA II-JUANENEA
2024 ANSA II-BARRENETXEA iv
2025 JUANENEA-BARRENTXEA IV