Bat, bi, hiru, lau eta bost! Bosgarren urtea beteko du gaur Doberak antolatutako Liburu eta Disko Azokak. Atsegindegi euskerazko sorkuntza lanekin beteko da, eta euskal kulturarekin lotutako jarduera ugari izango dira egun osoan zehar.
Goizeko 11:00etan zabalduko dute azoka, Zapotxin pailazoaren bisitarekin. Aurtengoan 17 postu izango ditu HAzokak, eta haur txokoa eta tailerren txokoa ere jarriko dituzte txikienentzat.
Doberako bazkideek bost euroko bonoa eskuratu ahal izango dute Atsegindegin, edozein postutan erabiltzeko. Eta, iaz bezala, salgai egongo dira liburuak eta diskoak eramateko poltsatxoak.
Berritasunak egitarauan
Bosgarren edizio honetan zenbait berritasun txertatu dituzte programazioan. Horien artean daude Kontatzera Noazu podcastaren zuzeneko saioa (gonbidatu bereziarekin!), edota euskerazko rol jokoen tartetxoa.
Azoka arratsaldeko 19:00ak arte egongo da zabalik.
|
HERNANIKO V. LIBURU ETA DISKO AZOKA ATSEGINDEGI 11:00 Azokaren irekiera Zapotxin pailazoarekin. 11:45 Familientzako tailerra Sorgina Txirulinarekin. 12:00 'Kontatzera Noazu' podcasta zuzenean, gonbidatu bereziarekin. 13:30 Xabi San Sebastian abeslariaren kontzertu akustikoa. 17:00 Ipuin kontaketa, Sorgiña Txirulinaren eskutik. 17:00etatik aurrera Euskerazko rol partida irekiak. 17:45 Ondorengo hiru liburuen aurkezpenak. Oroimenezko Igandeak Jaiotzetik Erreboltari Mendiak ogibide 19:00 Azokaren itxiera eta Babarrunba taldearen kontzertua. |