Atseden hartu dute Hernaniko auzoetako festek asteburu honetan, baina indartsu bueltatuko dira datorrenean. Karabelek piztuko du berriro su hori, eta hiru eguneko egitarau polita prestatu dute, irailaren 19tik 21era.
Ostiralean hasiko dira Karabelgo Jaiak, 17:00etan txupinazoa botata. Jolasek, danborradak eta Andoni Ollokiegiren musikak girotuko dituzte festen aurreneko orduak, larunbateko egun haundiaren preludio gisa. Izan ere, goizetik gauera, denetik izango da jaien bigarren egunean: adinekoen bolo txapelketa, patata tortilla eta bizkotxo lehiaketak, paella jate herrikoia, bingoa, apar festa, arrautzen jokoa, Radio Rebelderen kontzertua, su artifizialak, DJonekin disko festa...
Iruñeko eta Hernaniko erraldoi eta buruhaundien bilkurak eta sagardo dastaketak borobilduko dituzte festak igandean.
Txartelak eta materiala, salgai
Dagoeneko salgai daude jaietako paella jaterako txartelak (6 euro), bingorako kartoiak (0,5 euro), kamixetak (10 euro), zapiak (3 euro) eta errifak (1 euro). Bihartik asteazkenera, 17:00etatik 19:30etara izango da horiek eskuratzeko aukera, Belkara auzo elkartearen lokalean.
EGITARAUA
IRAILAK 19, ostirala
17:00, Jaien hasiera Belkirekin, Hernaniko Gazte Bandak girotuta
17:30, Puzgarriak eta haurrentzako jolasak
19:00, Karabelgo danborrada
20:00, Bokatak txosnan
20:30, Andoni Ollokiegiren kontzertua
22:30, Zezensuzkoa
23:00, Andoni DJ
IRAILAK 20, larunbata
10:00, Diana
11:00, Aurpegi margoketa eta helduen bolo txapelketa (+65)
12:00, Patata tortilla eta bizkotxo lehiaketak
14:00, Bazkari herrikoia: paella erraldoia
15:30, Bingoa
16:00, Apaxiren emanaldia
17:00, Apar festa, tirolinaren parkean
18:00, Txokolatada
18:00, Aerorumba erakustaldia, Jenny Perlazarekin
19:00, Arrautzen jokoa, tirolinaren parkean
20:00, Afaltzera, indarrak hartzeko
20:30, Radio Rebelde taldearen kontzertua
22:00, Zezensuzkoa eta su artifizialak
23:00, Disko festa, DJon disko jartzaileak girotuta
IRAILAK 21, igandea
11:00, Iruñeako Suzko konpartsa eta Hernaniko auzoetako erraldoi eta buruhaundiak
12:00, Sagardo dastaketa
12:00, Toka txapelketa
13:30, Sarien zozketa
14:00, Jaien amaiera eta traka