Atzoko egun sargoriari sagardoarekin egin ziotan aurre Zikuñagan. Eguerdian hasi zituzten jarduerak, eta, ohi bezala, jende dexente elkartu zen sagardo dastaketan. Arratsaldean danbor hotsak auzo guztia hartu zuen, eta gauean Itzal erromeria taldearekin luzatu zuten parranda.
Gaurkoa oso bestelako eguna izango da Zikuñagako bizilagunentzat. Zikuñagako Amaren ermitara lekualdatuko dute festaren erdigunea, eta bertan egingo dituzte goizeko jarduera guztiak. 10:00etan hasiko da meza; jarraian Ozenki abesbatzako kideek kontzertu txiki bat eskainiko dute kanpoaldean; eta 11:30ak aldera toka, bote eta igela probatzeko aukera izango da bertan.
Goikoak bukatu orduko, 14:30ak aldera, eskolara itzuliko dira bizilagun guztiak, paella herrikoi baten bueltan elkartzeko. Sabela ondo bete eta bazkalostean pixka bat luzatu ondoren, azken trakarekin amaitutzat emango dituzte Zikuñagako jaiak.
ZIKUÑAGAKO JAIAK
GAUR
10:00 Zikuñagako Amaren omenezko meza ermitan (euria egiten badu eskoletan izango da).
Jarraian Ozenki abesbatzaren kontzertua.
11:30 Toka, bote eta igela ermitan.
14:30 Paella herrikoia eskolan.
Jarraian traka eta amaiera.