«Apar festa (eguraldi ona egingo balu)» zioen Latxunbeberriko Jaietako egitarauak, eta eguraldi ona ez, paregabea egokitu zitzaien apar artean gozatzeko. Jende ugari elkartu zen goizean zehar kirol pistan, eta bertan egin zituzten jarduera gehienak.
Jaietako egun haundiaren ondoren, azken goiza besterik ez zaie geratzen Laxunbeberriko eta Marielutseko auzotarrei. Gaurkoan ere kirol eremua izango da jarduera guztien kokalekua; pelota txapelketako finalekin hasiko dute eguna, eta jarduera gastronomikoak izango dituzte jarraian.
Tortilla txapelketaren ondoren, Hernaniko bederatzi sagardotegitako sagardoa dastatzeko aukera izango da. Bitartean Ekain Tolaretxipi eta Iker Ormazabal 'Tturko' bertsolarien saioa entzuteko aukera izango da.
Eguerdiko jarduerarekin amaituko dira aurtengo festak, 14:00ak aldera.
LATXUNBEBERRIKO JAIAK
GAUR
10:00 'Iturritxo elkartea' esku pelota XI Txapelketako finalak.
11:00 Patata tortilla txapelketa.
11:00 Eskulan tailerra elkartearen lokalean.
12:00 Patata tortillen balorazioa epaimahaikide ospetsuen eskutik eta sari banaketa.
12:00 Bertsolariak.
12:30 Trikitilariak.
12:30 Sagardo dastaketa.
14:00 Jaiei bukaera emango dien suziriaren jaurtiketa.