Iraileko azken larunbaterako antolatu du Dobera Euskara Elkarteak Hernaniko Liburu eta Disko Azokaren bosgarren edizioa. Egun horretan, euskerazko sorkuntza lanez beteko da Atsegindegi, eta musikarekin zein literaturarekin lotutako jarduera askorekin gozatzeko aukera izango da.
Azokan postua jarri nahi duten argitaletxeek edo sortzaileek biharkoa izango dute izena emateko azken eguna. Izenematea eta parte hartzea guztiz doakoa da. Horretarako, https://dobera.eus/liburuetadiskoazoka/ estekan dagoen inprimakia bete behar da.
Goizean eta arratsaldean zabalduko dute azoka
Egun osoko egitaraua prestatu du Doberak irailaren 27rako. Goizeko 11:00etan zabalduko dituzte Azokako ateak, eta 14:30ak arte mantenduko dituzte postuak Atsegindegin. Bazkaldu ondoren, arratsaldeko 17:00etatik 19:30etara irekiko dute berriro.
Aurreko edizioetan bezala, postuez gain, jarduera ugarirekik gozatzeko aukera izango da Azokan: liburu aurkezpenak, kontzertuak, haurrentzako jarduerak, podcastak zuzenean... Ez da aspertzeko tarterik izango!
V. HAzoka
|
11:00 Azokaren irekiera 11:45 Familientzako tailerra Sorgina Txirulinarekin. 12:00 'Kontatzera Noazu' 13:30 Xabi San Sebastian eta konpañiaren kontzertua. 17:00 Ipuin kontaketa. 17:00 Rol partida irekiak. 17:45 Liburu eta disko 19:00 Babarruna taldearen kontzertua. |