Suzirien eta traken hotsari danborrena gehituko zaio Zikuñagan. Hernaniko zenbait auzok mantentzen duten ohitura da, eta Zikuñagan giro berezia sortu ohi du festetako larunbat iluntzean.
Txaranga bakarrik aterako da aurrena, giroa pixkanaka berotzera. Ondoren, 20:00etan, auzoko gazteek eta helduek osatutako danborjole taldea batuko zaie musikariei, erritmoa kolpeka markatzeko helburuarekin.
Ordubetez ia Donostiaren itxura hartuko du Zikuñagak; kantu herrikoiak jarraituko dituzte danborrarekin, eta festa giroa ziurtatuta egongo da.
Auzokideak, elkartuta
Zikuñagako auzokide askok egiten dute bat jarduerarekin. Adin ezberdinetako jendeak hartzen du parte danborradan, eta sortzen den giroa ederra izaten da auzoarentzat. Jaietako jarduera kuttuna da.